thodi-si alag ho to tere chehre ko dekhun...

Ek aur Show 101.9 FM pe, “Dil Ki Baat Adil Ke Saath” socha tha ki zara ye bhi janoon ki “log khud ko kaise sambhalate hain, jab unhein kisi ki lat yani aadat lag jati hai…yahan baat paan, beedi cigarettes ya phir sharab ki nahi chalni thi , balki ye lat thi “Insan ko Insan ki” …Sochiye aap bhi  agar aapko kisi insan ki aadat lag jaye” toh kya karenge aap?  

Pehla hi song play kiya tha Rang film se…”Tujhe na dekhun toh chain mujhe aata nahi hai, Ek tere siwa koi aur mujhe bhaata nahi hai…” toh iske jawab mein ek Listener ne ye likha ki “Tujhe na sunun toh chain maujhe aata nahi hai, ek tere siwa koi aur mujhe bhata nahi hai…” padh ke chehre pe ek smile aayee, laga ki hum jisse soch bhi nahi sakte koi aur uss hud tak bhi soch sakta hai…par jawab wahan bhi nahi tha mere sawal ka. Khair mudda sensitive tha par bahut hi common. Kyunki har insan ek “social animal” hi kehlata hai jo ek sath kayee relations se juda rehta hai aur har rishte se kahin na kahin concern bhi hota hi hota hai…seedhe lafzon mein kahein toh uss insan ki apki life mein importance hoti  hai…aur yahi importance “ummeedon” ko janm deta hai, aur yahi ummeedein taye karti hain ki aap kisi k liye kiss hud tak betaab ho sakte hain…yahan ek baat maine bahut saaf-saaf mention kar diya tha ki… “Aap sabhi relations ko ek point par na rajhein, ye broad level pe hai…yahan har rishta shamil hai”

                                   Kayee jawab aaye, par Kuchh jawab aise the jo waqai appreciate karne layaq the…isko decide aap bhi kar sakte hain…aur yahan par mere likhne ka matlab bhi yahi hai, jo bhi kami ho usse aap poori karengen…

1. Ek bande ne kaha ki Adil “hum insaano ke ander do (2) mode inbuilt hote hain “SAVE” & “DELETE” aap usska bakhubi use kar sakte hain…” Iss baat pe mujhe bahut tagadi hansi aayee…literally main phoont ke hanss pada…phir jo e line usn boli meri bolti band ho gayee, main silent mode mein chala gaya…usne kaha ki…”Yaqeen maniye Adil, humaari soch inn dono mode ko control kar sakti hai, par uske liye apko taiyaar rehna padega….maine clap bhi kiya…!

2. Ek aur listers thin unhone apni beti ka hawala dekar kaha ki…hum usse itna attach hain ki school chali jaati hai toh zindagi mein ek khalipan sa aa jata hai…toh main uske toys, kapde yahan tak ki uski tasweer dekh kar waqt kaat lete hain…ye bhi mujhe khubsoorat jawab laga. Para yahan uske lautane ki ummeed hai tab asaan hua par jab ummeed chhoot jaye ki koi jakar dubara laut nahi sakta toh.

Toh ek bada hi simple sa raasta bataya maine aur ek she’r ki 2 lines padhi maine…jo meri life mein kaafi mayene rakhti hai…aur who she’r aisa hai

“na itna toot ke miliye ki dil ko shak guzre

Khuloos mein bhi zaroori hai faasala rakhana”

Yahan khuloos ka matlab “Attachment, relations” etc. maineye kaha ki kisi bhi relation ki shuruaat mein hi humein taye karna hoga ki ye kahan tak jaana hai aur itna zaroor sochana hai ki jo aaya hai woh jayega! Aise mein ye dooriyan ummeedon se compromise karana sikha deti hain, Gulzar sb. ne bhi apne “Pukhraj mein Kuchh aisa hi likha hai…ki,

Takiye pe tere sar ka wo tippa hai, pada hai
chaadar mein tere jism ki wo sondhi-si khushboo
haathon me mehakta hai, tere chehre ka ahsaas
maathe pe tere hothon ki mohar lagi hai
Tu itni kareeb hai ki tujhe dekhun kaise
thodi-si alag ho to tere chehre ko dekhun

Iske 2 line pe ghaur karo aap log….

“Tu itni kareeb hai ki tujhe dekhun kaise
thodi-si alag ho to tere chehre ko dekhun”

Sab sath hai, yaad sath hai, ehsaas saath hai khushboo sath aur tu bhi sath hai…phir Aapne agar science padhi hogi toh yaad kijiye humara “Least distance of distinct vision” 250mm/25 cm./10 inches bataya gaya hai, agar usse  qareeb object aa jaye toh dhndhali dikhti hai. Theek waise hi ek khas doori se hum zyaada close ho gaye toh ummeedein tootane ka dar hota hai aur tab pahunchati hain taqleef. Ek baat auar hum Nazaron se door rahein ya paas…dil mein jageh honi chahiye woh bhi khuloos wala par kumtar ummedon ke sath. Jagjeet Singh ki ek ghazal hai na “haath chhoote bhi toh rishte nahi chhoda karte…” So beware of distance and keep with LOVE. All the best.

T-point is always dangerous…..!!!

Bachpan mein suni hogi, tote wali kahani…

     “shikari aayega,  jaal bichhayega, dana dalega, lobh se usmein phansana nahi”

Aur yaad hoga iss line ko ratate-ratate Tota (Parrot) jaal mein phans jaata hai. theek aisa hi hua humaare sath bhi…”Chhota sa Accident” lekin “Chot Kafi gehri”, shayad apko bhi mehsoos hua ho kabhi,  jab apki “Ram Pyari” ko halka kharonch bhi aata hai toh dil se betahaaaasha dard behta hai…Ek baat aur, Jab hum Car drive kar rahe hote hain toh uss dauran ek “Blind Spot” aata hai..jismein humare vision ka fusion ho jaata hai nateeja saaf nahi dikhta…seedhe kahein toh dikhta hi nahi hai…aur who hota hai apke front glass ka  left corner…(metal wala frame).!! Aisa hi hua, kal main office ke liye aa rha tha…speed 10km/hr, jismein aap bakhubi car ko control kar sakte hain…par jab dosara na sambhaal paye toh!!! Toh phir aap khade bhi hain toh apka bura samay shuru ho jaata hai…!

                T-point pe main horn dekar aage badh raha tha…mujhe right turn lena tha…toh pehle right side dekha…line clear tha…Left side dekh hi raha tha ki laga Kuchh aaya…par who tha Car ka Blind Spot…aur tabhi “dhadaaaaaam!!! Aur phir …. Cheeeeeee!!!!”. Mera left side ka bumper aur head light pe achha-khaasa scratch aa gya…kisi ko bhi pata chala ki mere sath aisa hua hai toh ek hi sawal “Tumhein toh Kuchh nahi hua na” par ye kum logon ne poochha “Ram Pyari ko zyaada toh nahi lagi na” par inn sabse alag uss situation mein maine socha… “Saamne wali gaadi ka kya hua hoga” jab utar kar dekha toh afsos hua…dono door buri tarah damage…ander ki taraf dhans gaya tha, jabki ghalati meri nahi thi …ye bhi maine hi decide kiya…kyunki T-point pe Horn ke sath nikal raha tha…waise bhi mere dost kehte hain “Tum horn bahut bajaate ho yaar” matlab ye ki maine ishaara kiya hi hoga ki main aa raha hun…phir bhi ye ho gya…! Wahan ruki public ne mujhse poochha “ghalati kiski thi” Kuchh nahi keh saka…aur phir dono wahan se apni-apni car le ke chal pade….Office pahucha aur Din bhar Office mein dil nahi laga, ek baar ye bhi socha ki ghar jaa ke araam se so jaun shayad cool ho jaun… colleagues ne kaha… “ghar pe bhi aap pareshan hi rahege isse achha hai yahin work mein khud ko busy kariye…” koshish bahut ki par sirf waqt kata par who tension waisi ki waisi full size mein rahi…aur dekhiye na pareshani khud ki gaadi ke liye nahi…unke liye jiska aisa hone mein main wajeh nahi hun par naam jud gaya tha, meri team ke saare member dono gaadion ka muaayena kar aaye…kyunki Takkar hui bhi toh meri hi co. ki HR manager ki gaadi se…sab laute toh itna hi kaha…”Sir, thuki toh apki gadi hi zyaada hai aur aap unki tension mein ho…maine kaha nahi tum logon ko nahi dikha hoga…phir main apni udaasi ke aghosh mein chala gaya aur taye kar liya ki “aaj hi CAR bech dunga”…par sabne rok diya…yahan bhi wajeh main nahi koi aur tha…jiska final dicision tha…usne kaha “matt becho aur sambhal ke chalao” phir jaa ke mann hua shant…par car ko sambhal ke nahi chalaya…balki sambhal ke rakh diya….!! Arre nahi chalaunga yaar par thoda sambhal toh jaunnn….!!!

Moral of the story…”Car pe lagti hai toh dil se dard behta hai…safe chalao aur khud ke sath doosaron ko bhi safe rakho”. Have a cool driving…..

Lata di main haar gayaaaaaaa…

Main Adil, RJ hun, Twin Cities Rainbow 101.9 FM par, Jiski tag line hai “Rainbow ke sath Life rangeen” aur yahan Twin Cities ka matlab hai Hyderabad aur Secundrabad…aur iss twin cities ke entertainment ka ek khubsoorat platform hai “FM Rainbow” jahan par mere haseen twin shows broadcast hote hain….. Show ka pehla ghanta  “Geet  Gaata Chal” aur doosara ghanta “Dil Ki Baat Adil Ke Saath”. Issi Monday 23^rd Sept 2013 ki baat hai…Show ke shuruat mein hi maine keh diya tha “Friends aaj main ek khubsoorat jokhim lene ja raha hun aur aap se guzarish hai ki aap ismein  meri madad karenge”, wajeh saaf thi “2 ghante aur 1 lata di”, phir bhi waqt pal bhar mein sarak gaya aur unke saare gaane play karne se mehroom reh gaya… 

                  

            Show ke do ghante guzar gaye aur main yahi sochata reh gya ki…

 
Kya main satisfied hun…?

Par dil ki awaz …”tum adhoore ho”

Seriously…ek ek song ko dhoondh kar le gaya tha, jo  mashoor

the aur jo rare the woh bhi… jitne mujhe pata the who bhi aur jo nahi pata the usse bhi dhoondha…phir bhi har pal yahi lag raha tha ye bhi chhoot raha hai, arre woh bhi reh gaya…theek waise hi jaise exam shuru hone se pehle humein lagta tha, “ye wala padhna reh gya..oh no usse toh padha hi nahi”. 11 saal ke RJ career mein itna tense kabhi nahi hua na hi itni kathin ghadi guzri kabhi…show shuru hua aur farmaishein bhi shuru huin…dhoondh-dhoondh ke rakhana bhi shuru kar diya…par jab 5pm ke baad Phone-in programme shuru hua toh itni farmaishein aayeeen ki jiske 10% hi mere paas the …phir silsila shuru hua “searching” ka…yahan tak ki mujhe online song play karna pada par farmaish sabhi ki poori nahi kar paya uar baj gaye 6… literally main sar pakad ke baith gaya aur zubaan se nikla 

“Lata di main har gaya….”

Lekin "Dil ki Baat Adil ke Sath" mein anginat Callers ke Lata di ko diye gaye dhero shubhkamnaon se khud pe garv hua mere swayam ne kaha ki "aaj maine kuchh kaam kiya hai"...phir raat ko jab maine Facebook log in kiya toh usmein aaye ek msg ne Dil aur Dimaagh ko sukoon pahunchaya…!!

“Hi.... Hatts off adil... aaj ke show ki tarif Karne k liye mere paas words nahi hai... aaj Mann se ek dua nikal rahi hai k tumhe Meri bhi umar lag jaye... mai rahu na rahu tum aise shows hamesha krte raho aur lataji k saare song kam padh jaye .aur tum unhe sunate raho....”

Song List:

1. Jaane kyun Log mohabbat   :       Mehboob Ki Mehandi
2. Doori na rahe koi aaj itne     :      Kartavya
3. Aaja re pardesi, main toh     :      Madhumati
4. Naam Gum jayega, chehra   :      Kinara
5. Satyam Shivam Sundaram    :      Title Song (One of my fav. songs)
6. Kaanta Laga, hi laga            :      Samadhi
7. Roz Shaam aati hai, roz        :      Imtehan
8. Milti hai zindagi mein            :     Aankhein
9. Koi Patthar se na maare       :     Laila Majanu
10. Koi nahi hai phir bhi hai      :     Patthar Ke Sanam
11. Tujhe Dekha toh ye jaana   :     Dilwale Dulhaniya Le ke Jayenge
12. Hansta hua noorani chehra :     Parasmani (requested by 10th class Student)
13. Dil ka Diya jala ke gaya      :     Akashdeep
14. Jyoti Kalash Chhalake        :     Bhabhi Ki Choodiyan